Farida IPTV
كلّمنا على واتساب
اشتراك الـ IPTV بتاعك، على أي شاشة في البيت.
فريدة بتشغّل القنوات والأفلام والمسلسلات من اشتراكك، بشكل زي منصّات الأفلام الكبيرة، وبواجهة عربي سهلة، وإنجليزي وفرنساوي كمان، على الموبايل والكمبيوتر وشاشات LG وسامسونج. أول 14 يوم مجاناً بكل المزايا.
اختار جهازك
فريدة لموبايل أندرويد
أندرويد 6 أو أحدث، موبايل أو تابلت.
نزّل للأندرويد شوف الشرح بالفيديو35 ثانيةمش عارف تكمّل؟ ابعتلنا على واتساب ونثبّتها معاك خطوة بخطوة.
- دوس "نزّل للأندرويد"، وأول ما الملف ينزل افتحه من الإشعارات أو من فولدر التنزيلات.
- لو الموبايل قالك إن التثبيت ممنوع، دوس "الإعدادات" وفعّل "السماح من المصدر ده" للمتصفح، وارجع.
- لو ظهر تحذير Play Protect، دوس "تفاصيل أكتر" وبعدين "ثبّت على أي حال". ده بيظهر لأي تطبيق متنزّلش من جوجل بلاي.
- افتح فريدة وسجّل بيانات اشتراكك: السيرفر واسم المستخدم والباسورد، أو لينك m3u.
فريدة للآيفون والآيباد
بتشتغل من Safari وتتثبّت على الشاشة الرئيسية بأيقونتها، من غير App Store. أول 14 يوم مجاناً بكل المزايا.
افتح فريدةمش عارف تكمّل؟ ابعتلنا على واتساب ونثبّتها معاك خطوة بخطوة.
- افتح الصفحة دي من Safari على الآيفون، ودوس «افتح فريدة».
- دوس «مشاركة» (أو ••• وبعدين «مشاركة»)، واختار «إضافة إلى الشاشة الرئيسية».
- افتح فريدة من أيقونتها الجديدة، وسجّل اشتراكك هناك.
- لو القناة طلعت عليها «شغّل»، دوس عليه وهتشتغل في مشغّل الآيفون، وارجع لفريدة بزرار «تم».
فريدة للكمبيوتر
ويندوز 10 أو 11. برنامج واحد، مش محتاج تثبّت معاه أي حاجة.
نزّل للكمبيوتر شوف الشرح بالفيديو33 ثانيةمش عارف تكمّل؟ ابعتلنا على واتساب ونثبّتها معاك خطوة بخطوة.
- نزّل الملف واعمله Extract في أي فولدر، وبعدين دبل كليك على
Farida IPTV.exe. - أول مرة بس، لو ويندوز قال
Windows protected your PC، دوسMore infoوبعدينRun anyway(في ويندوز العربي: مزيد من المعلومات، وبعدين تشغيل على أي حال). ده بيظهر لأي برنامج جديد مش من متجر مايكروسوفت. - فريدة هتفتح ملء الشاشة. سجّل اشتراكك، ولما تقفل النافذة البرنامج بيقفل لوحده.
- الأسهم و Enter بيشتغلوا زي الريموت، و Esc للرجوع، و F11 لملء الشاشة، والماوس شغال كمان.
فريدة لشاشات LG
شاشات LG الذكية بنظام webOS. فريدة في مراجعة متجر LG دلوقتي، ولحد ما تنزل تقدر تثبّتها من وضع المطوّر.
دليل التثبيت خطوة بخطوة شوف الشرح بالفيديو55 ثانيةمش عارف تكمّل؟ ابعتلنا على واتساب ونثبّتها معاك خطوة بخطوة.
- اعمل حساب LG للمطوّرين ببلاش، وثبّت تطبيق Developer Mode على الشاشة.
- شغّل منه Dev Mode Status و Key Server.
- على الكمبيوتر ثبّت webOS Dev Manager، وضيف الشاشة، وثبّت ملف فريدة.
- جدّد من Developer Mode مرة كل شهر، لحد ما فريدة تنزل في المتجر.
فريدة لشاشات سامسونج
شاشات سامسونج الذكية بنظام Tizen، موديل 2017 أو أحدث. بتتثبّت من وضع المطوّر ببرنامج مجاني على الكمبيوتر أو موبايل أندرويد، ومن غير تجديد كل شهر.
دليل التثبيت خطوة بخطوةمش عارف تكمّل؟ ابعتلنا على واتساب ونثبّتها معاك خطوة بخطوة.
- على الكمبيوتر أو موبايل أندرويد، نزّل ملف فريدة وبرنامج Apps2Samsung المجاني، وهات IP الجهاز.
- على الشاشة، افتح Apps واكتب 12345 بالريموت، وشغّل Developer Mode واكتب IP الكمبيوتر أو الموبايل.
- اعمل ريستارت للشاشة، وبعدين من Apps2Samsung اختار الشاشة وملف فريدة ودوس Install.
- افتح فريدة من التطبيقات على الشاشة، وسجّل اشتراكك بالريموت.
فريدة لأجهزة Android TV
شاشات Android TV و Google TV، وبوكسات زي Mi Box و Chromecast، والريسيفرات بنظام أندرويد.
نزّل الملفمش عارف تكمّل؟ ابعتلنا على واتساب ونثبّتها معاك خطوة بخطوة.
- على الشاشة، نزّل تطبيق Downloader من جوجل بلاي.
- افتحه واكتب الكود ده في خانة العنوان:
6596442، أو العنوانfarida-iptv.pages.dev/apk - لو طلب إذن، اسمح لـ Downloader إنه يثبّت تطبيقات من الإعدادات، وكمّل التثبيت.
- افتح فريدة من قائمة التطبيقات، وسجّل اشتراكك بالريموت.
الشرح بالفيديو
التثبيت على كل جهاز، وإضافة اشتراكك، وتفعيل Plus. كل فيديو أقل من دقيقة، بالصورة والصوت.
شكل جديد، على كل جهاز
الرئيسية بقت زي منصّات الأفلام: صورة كبيرة للي واقف عليه وتحتها صفوف "كمّل المشاهدة" والأحدث والمفضّلة. واختار الثيم اللي يعجبك من 6 ثيمات، ومواعيد الصلاة لمصر والدول العربية بتنبيه صغير وإنت بتتفرّج.
معمولة عشان البيت كله
حاجات صغيرة بتفرق كل يوم، في كل نسخة من فريدة.
ماتشات النهارده على اشتراكك
فريدة بتعرف الماتشات من دليل البرامج بتاع اشتراكك، وتوريك الشغّال دلوقتي واللي جاي بالساعة. دوسة واحدة تفتحلك القناة اللي بتجيب الماتش، وزرار «فكّرني» ينبّهك أول ما يبدأ.
أكتر من ماتش مع بعض
قناتين جنب بعض، أو 4 مع بعض، أو ماتش كبير وجنبه 3 صغيرين. الصوت بيمشي مع القناة اللي واقف عليها. على الموبايل والكمبيوتر وأجهزة أندرويد.
وضع الكبار
زرار واحد يكبّر الكلام والصور، ويوضّح الإطار حوالين اللي واقف عليه، ويهدّي الحركة. مريح لبابا وماما وجدّو. وفيه كمان اختيار حجم الكلام والصور لوحدهم.
دخّل اشتراكك من موبايلك
على الشاشة هتلاقي QR. صوّره بالموبايل واكتب بياناتك هناك، والشاشة تدخل لوحدها خلال ثواني. من غير ما تكتب حرف بالريموت.
كذا اشتراك على نفس الجهاز
ضيف اشتراك تاني من الإعدادات وبدّل بينهم في أي وقت. كل اشتراك بمفضّلته وبالحاجات اللي بتكمّل مشاهدتها.
وضع الأطفال برقم سري
أقسام الأطفال والكرتون بس، والإعدادات مقفولة برقم من 4 أرقام. نسيت الرقم؟ بنفتحهولك على واتساب.
إذاعة القرآن وراديو FM
إذاعة القاهرة والسعودية، وعبد الباسط والمنشاوي والحصري وكبار القرّاء، وأذكار الصباح والمساء. ومعاها نجوم إف إم وراديو هيتس و9090 وأون سبورت إف إم. بتفضل شغّالة وإنت بتتنقل في التطبيق.
مواعيد الصلاة والأذان بصوت
لمصر والدول العربية، بطريقة الحساب بتاعة كل بلد. الأذان بيشتغل بصوت، ولو بتتفرّج على فيلم بيوقّفه ويكمّل من نفس الثانية بعد الأذان.
نثبّتها معاك
مش عارف تثبّتها على شاشتك؟ ابعتلنا نوع الشاشة على واتساب، ونمشي معاك خطوة بخطوة لحد ما تشتغل.
فريدة Plus
جرّب كل حاجة ببلاش الأول، ولو عجبتك كمّل بدفعة واحدة من غير اشتراك شهري.
أول 14 يوم مجاناً بكل المزايا
للجهاز الواحد، مدى الحياة. أو ما يعادلها بالجنيه.
إزاي تفعّل Plus
- من الإعدادات في فريدة افتح "فريدة Plus"، هتلاقي كود الجهاز.
- ابعتلنا الكود على واتساب: من زرار "ابعتلنا الكود" على الموبايل والكمبيوتر، أو صوّر الـ QR اللي على الشاشة.
- ادفع بـ InstaPay أو فودافون كاش، وهنبعتلك التفاصيل على واتساب.
- Plus بيتفعّل على جهازك لوحده خلال دقايق.
أسئلة
فيه قنوات جوه التطبيق؟
فريدة مشغّل، ومفيهوش قنوات مدفوعة ولا بيبيع اشتراكات. اشتراك الـ IPTV بتجيبه من مزوّد خدمة، وفريدة بتشغّله. ولو لسه معندكش اشتراك، تقدر تجرّب التطبيق من صفحة الدخول بقائمة اختيارية من القنوات العامة المجانية اللي بتتبث على النت للكل. القنوات دي مش بتاعة فريدة، وممكن بعضها يقف.
على شاشة سامسونج، بثبّتها إزاي؟
من وضع المطوّر اللي سامسونج عاملاه للمطوّرين، ببرنامج مجاني اسمه Apps2Samsung على الكمبيوتر. بيشتغل على شاشات سامسونج من 2017 وطالع، ومش محتاج تجديد كل شهر. الخطوات في دليل سامسونج.
مواعيد الصلاة بتشتغل في بلدي؟
فيها مصر والسعودية والإمارات والكويت وقطر والبحرين وعُمان والأردن وفلسطين ولبنان وسوريا والعراق واليمن والسودان وليبيا وتونس والجزائر والمغرب، وكل بلد بطريقة الحساب بتاعتها. اختار مدينتك من "مواعيد الصلاة"، والمواعيد بتتحسب على الجهاز من غير نت.
لازم أكتب بيانات الاشتراك بالريموت؟
لأ. وإنت في صفحة الدخول على الشاشة هتلاقي QR، صوّره بالموبايل واكتب السيرفر واسم المستخدم والباسورد هناك، والشاشة تدخل لوحدها. بياناتك بتتقفل على موبايلك بمفتاح الشاشة، ومحدش يقدر يفتحها غير الشاشة دي.
بيشتغل مع اشتراكات MAC؟
أيوه، على كل الأجهزة. في صفحة الدخول حط رابط البوابة في خانة السيرفر، وعنوان الـ MAC في اسم المستخدم، وسيب الباسورد فاضي. فريدة بتجيب القنوات والأفلام والمسلسلات من البوابة زي أي اشتراك. شوف الفيديو.
ينفع أحط أكتر من اشتراك؟
أيوه. من الإعدادات افتح «الاشتراكات» وضيف اشتراك تاني، وبدّل بينهم في أي وقت. كل اشتراك بمفضّلته وكمّل المشاهدة بتاعته.
إزاي أقفل التطبيق على الأطفال؟
من الإعدادات شغّل «وضع الأطفال» واختار رقم سري من 4 أرقام. هيظهر أقسام الأطفال والكرتون بس، والإعدادات هتتقفل بالرقم. لو نسيته، ابعتلنا الرمز اللي ظاهر على الشاشة على واتساب، وهنبعتلك رقم يفتحه.
Plus ينفع على أكتر من جهاز؟
كل دفعة بتفعّل جهاز واحد. لو عايز فريدة على الموبايل والشاشة مع بعض، كل جهاز ليه تفعيل.
على شاشة LG، ليه لازم أجدّد كل شهر؟
لأن فريدة لسه في مراجعة متجر LG، فبتتثبّت من وضع المطوّر، وده بيفضل شغّال حوالي 41 يوم وتجدّده بزرار واحد. أول ما تنزل في المتجر هتثبّتها من هناك ومش هتحتاج تجدّد. التفاصيل في دليل LG.
لو مسحت التطبيق ونزّلته تاني؟
Plus بيرجع لوحده على نفس الجهاز: افتح "فريدة Plus" ودوس "اتأكد من التفعيل".
بياناتي بتروح فين؟
بيانات اشتراكك بتفضل على جهازك، والتطبيق بيكلّم مزوّد الخدمة بتاعك بس. التفاصيل في سياسة الخصوصية.