Farida IPTV
كلّمنا على واتساب
فريدة على شاشة سامسونج.
فريدة لسه مش في متجر سامسونج، فبتتثبّت من وضع المطوّر اللي سامسونج عاملاه للمطوّرين، ببرنامج مجاني اسمه Apps2Samsung على الكمبيوتر. أول مرة بتاخد حوالي ربع ساعة، ومفيش تجديد كل شهر.
- شاشة سامسونج ذكية موديل 2017 أو أحدث
- كمبيوتر ويندوز أو ماك على نفس الواي فاي
- حساب سامسونج ببلاش لشاشات 2023 وأحدث بس
جهّز الكمبيوتر
نفس الواي فاي اللي عليه الشاشة.
- نزّل ملف فريدة للشاشة:
نزّل ملف سامسونج الملف Farida-IPTV.wgt، نسخة 1.2.2، حوالي 200 كيلو. - نزّل برنامج Apps2Samsung من صفحة الإصدارات بتاعته وثبّته. ده برنامج مجاني مفتوح المصدر لتثبيت التطبيقات على شاشات سامسونج. هتلاقي الملفات تحت كلمة Assets: نزّل اللي لويندوز أو لماك.
- هات IP الكمبيوتر، هتكتبه على الشاشة في الخطوة الجاية. في ويندوز: افتح
cmdمن قايمة ابدأ، واكتبipconfigودوس Enter، وخد الرقم اللي جنب IPv4 Address. في الماك: إعدادات النظام، الشبكة، الواي فاي، التفاصيل.
C:\> ipconfig
Wireless LAN adapter Wi-Fi:
IPv4 Address. . . . : 192.168.1.5
Subnet Mask . . . . : 255.255.255.0
Default Gateway . . : 192.168.1.1
ده مثال. الرقم عندك هيبقى قريب منه، وهو اللي هتكتبه في الشاشة.
على الشاشة
بالريموت، والشاشة متوصّلة بالنت.
- دوس زرار Home، وافتح
Apps(التطبيقات). - وإنت جوه Apps، اكتب
12345بأرقام الريموت. لو الريموت مفيهوش أرقام، دوس زرار 123 واكتبهم من الأرقام اللي هتظهر على الشاشة. - هيظهر مربع Developer Mode. خلّيه
On، واكتب IP الكمبيوتر في Host PC IP، ودوسOK. - اقفل الشاشة وافتحها تاني: دوس زرار الباور بالريموت لحد ما تطفي وتنور لوحدها، أو افصلها من الكهربا 15 ثانية. بعد الريستارت، لو فتحت Apps هتلاقي فوق كلمة Developer Mode، وده معناه إنه اشتغل.
ثبّت فريدة من الكمبيوتر
الشاشة شغّالة وعلى نفس الواي فاي.
- افتح Apps2Samsung، واستنّاه يلاقي الشاشة، واختارها. لو مالقاهاش، شوف "البرنامج مش لاقي الشاشة" تحت.
- من التطبيقات اللي بيعرضها، اختار إنك تثبّت ملف .wgt من عندك، واختار ملف Farida-IPTV.wgt اللي نزّلته، ودوس
Install. - لو شاشتك موديل 2023 أو أحدث، البرنامج هيفتحلك صفحة سامسونج في المتصفح أول مرة بس، ادخل فيها بحساب سامسونج. ده عشان يعمل شهادة التوقيع للشاشة، وبعدها بيكمّل لوحده. معندكش حساب؟ اعمله ببلاش من نفس الصفحة بإيميلك.
- لما التثبيت يخلص، هتلاقي فريدة في التطبيقات على الشاشة. افتحها وسجّل اشتراكك بالريموت.
ومش محتاج تجدّد
على عكس شاشات LG، فريدة بتفضل على شاشة سامسونج من غير تجديد كل شهر. واشتراك Plus مربوط بالشاشة نفسها، فبيرجع لوحده لو ثبّتها تاني.
نسخة جديدة من فريدة
نزّل الملف الجديد من الموقع وثبّته بنفس الطريقة، من نفس الكمبيوتر. بياناتك وقنواتك المفضّلة بتفضل زي ما هي.
لو فريدة اختفت بعد تحديث للشاشة
ساعات تحديث نظام الشاشة بيشيل التطبيقات اللي اتثبّتت بالطريقة دي. شغّل وضع المطوّر تاني وثبّت الملف، وكل حاجة بترجع.
لو حاجة مامشيتش
البرنامج مش لاقي الشاشة
اتأكد إن الكمبيوتر والشاشة على نفس الواي فاي، وإن وضع المطوّر On، وإن الـ IP اللي في الشاشة هو IP الكمبيوتر بالظبط، وإنك عملت ريستارت بعدها. لو لسه، افصل الشاشة من الكهربا 15 ثانية. وفي شاشات كتير، خصوصاً لو لغتها عربي، خانة الـ IP بتتقلب: افتح مربع وضع المطوّر تاني واتأكد إن الرقم مكتوب صح، ولو ظاهر بالمقلوب اكتبه بالعكس، يعني 5.1.168.192 بدل 192.168.1.5.
مكتوب Author certificate not match
فيه نسخة من فريدة على الشاشة اتثبّتت قبل كده من كمبيوتر تاني أو بطريقة تانية. امسحها من الشاشة: قف على فريدة في التطبيقات واضغط مطوّل على زرار OK لحد ما تظهر القايمة، واختار حذف. وبعدين ثبّت تاني. Plus بيرجع لوحده.
مكتوب rate limit exceeded
ده زحمة مؤقتة في السيرفر اللي البرنامج بيعمل منه شهادة التوقيع. استنّى نص ساعة وجرّب تاني، ومتكرّرش المحاولة كتير ورا بعض.
معنديش كمبيوتر
Apps2Samsung ليه نسخة لموبايل أندرويد كمان: في صفحة الإصدارات، الملف اللي آخره -android.apk. في الحالة دي اكتب IP الموبايل في الشاشة بدل الكمبيوتر، وتلاقيه في إعدادات الواي فاي على الموبايل.
شاشتي سامسونج قديمة، أقدم من 2017
الطريقة دي للشاشات بنظام Tizen من 2017 وطالع. لو شاشتك أقدم، أسهل حل بوكس Android TV صغير على الـ HDMI وتنزّل عليه فريدة من الموقع، أو توصّل الكمبيوتر بالشاشة.
ده بيغيّر حاجة في الشاشة؟
لأ. وضع المطوّر اختيار من سامسونج نفسها للمطوّرين، ومش بيغيّر نظام الشاشة. لو عايز ترجع زي ما كنت، امسح فريدة وخلّي وضع المطوّر Off.
اتلخبطت في خطوة؟ ابعتلنا ونمشي فيها معاك.
واتساب 01503587788