Farida IPTV كلّمنا على واتساب

اشتراك الـ IPTV بتاعك، على أي شاشة في البيت.

فريدة بتشغّل القنوات والأفلام والمسلسلات من اشتراكك، بواجهة عربي سهلة على الموبايل والكمبيوتر والشاشة. أول 14 يوم مجاناً بكل المزايا.

اختار جهازك

فريدة لموبايل أندرويد

أندرويد 6 أو أحدث، موبايل أو تابلت.

نزّل للأندرويد

الملف Farida-IPTV.apk، حوالي 3 ميجا، نسخة 1.3.2.

  1. دوس "نزّل للأندرويد"، وأول ما الملف ينزل افتحه من الإشعارات أو من فولدر التنزيلات.
  2. لو الموبايل قالك إن التثبيت ممنوع، دوس "الإعدادات" وفعّل "السماح من المصدر ده" للمتصفح، وارجع.
  3. لو ظهر تحذير Play Protect، دوس "تفاصيل أكتر" وبعدين "ثبّت على أي حال". ده بيظهر لأي تطبيق متنزّلش من جوجل بلاي.
  4. افتح فريدة وسجّل بيانات اشتراكك: السيرفر واسم المستخدم والباسورد، أو لينك m3u.

نفس الشكل على كل جهاز

القنوات فوق والأقسام جنبها، وجدول البرامج، والأفلام والمسلسلات بالقصة والحلقات، و"كمّل المشاهدة" من مكان ما وقفت.

شاشة فريدة الرئيسية على التلفزيون: القنوات والأفلام والمسلسلات
على الشاشة والكمبيوتر
فريدة على الموبايل: الشاشة الرئيسية
على الموبايل
فريدة على الموبايل: قايمة الأفلام
الأفلام

فريدة Plus

جرّب كل حاجة ببلاش الأول، ولو عجبتك كمّل بدفعة واحدة من غير اشتراك شهري.

أول 14 يوم مجاناً بكل المزايا

5 دولار مرة واحدة

للجهاز الواحد، مدى الحياة. أو ما يعادلها بالجنيه.

إزاي تفعّل Plus

  1. من الإعدادات في فريدة افتح "فريدة Plus"، هتلاقي كود الجهاز.
  2. ابعتلنا الكود على واتساب: من زرار "ابعتلنا الكود" على الموبايل والكمبيوتر، أو صوّر الـ QR اللي على الشاشة.
  3. ادفع بـ InstaPay أو فودافون كاش، وهنبعتلك التفاصيل على واتساب.
  4. Plus بيتفعّل على جهازك لوحده خلال دقايق.

أسئلة

فيه قنوات جوه التطبيق؟

لأ. فريدة مشغّل بس، ومفيهوش أي قنوات أو أفلام. محتاج اشتراك IPTV من مزوّد خدمة، وفريدة بتشغّله.

Plus ينفع على أكتر من جهاز؟

كل دفعة بتفعّل جهاز واحد. لو عايز فريدة على الموبايل والشاشة مع بعض، كل جهاز ليه تفعيل.

لو مسحت التطبيق ونزّلته تاني؟

Plus بيرجع لوحده على نفس الجهاز: افتح "فريدة Plus" ودوس "اتأكد من التفعيل".

بياناتي بتروح فين؟

بيانات اشتراكك بتفضل على جهازك، والتطبيق بيكلّم مزوّد الخدمة بتاعك بس. التفاصيل في سياسة الخصوصية.