Farida IPTV كلّمنا على واتساب
الرجوع لصفحة التنزيل

فريدة على شاشة LG، من النهارده.

لحد ما فريدة تنزل في متجر LG، تقدر تثبّتها بطريقة LG الرسمية للمطوّرين: تطبيق Developer Mode على الشاشة، وبرنامج صغير على الكمبيوتر. أول مرة بتاخد حوالي ربع ساعة.

حساب LG للمطوّرين

مرة واحدة بس، من أي موبايل أو كمبيوتر.

  1. افتح موقع LG للمطوّرين webostv.developer.lge.com ودوس SIGN IN فوق.
  2. لو عندك حساب LG ادخل بيه. لو معندكش، اعمل حساب جديد بإيميلك وباسورد.
  3. افتح الإيميل اللي هيوصلك من LG وأكّد الحساب. خلّي الإيميل والباسورد قريبين منك، هتكتبهم على الشاشة.

على الشاشة

بالريموت، والشاشة متوصّلة بالنت.

  1. افتح متجر التطبيقات (Apps أو LG Content Store)، ودوّر على Developer Mode وثبّته.
  2. افتح Developer Mode وادخل بإيميل وباسورد حساب المطوّرين.
  3. شغّل Dev Mode Status. الشاشة هتطلب ريستارت، وافق. بعد الريستارت، خانة Remain Session في التطبيق بتوريك المدة اللي فاضلة.
  4. افتح Developer Mode تاني وشغّل Key Server.
  5. سيب التطبيق مفتوح، وهات منه الـ Passphrase: 6 حروف وأرقام تحت على الشمال. الحروف الكبيرة والصغيرة فارقة.
  6. هات كمان IP الشاشة: من الإعدادات، الشبكة، الواي فاي، الإعدادات المتقدمة. هتلاقي رقم زي 192.168.1.20. أسامي القوائم بتختلف شوية من موديل للتاني.
Dev Mode Status ON Key Server ON Remain Session 999:59
Passphrase : A1B2C3
الـ Passphrase بيظهر تحت على الشمال. ده مثال، الكود عندك هيبقى غيره.

على الكمبيوتر

نفس الواي فاي اللي عليه الشاشة.

  1. نزّل ملف فريدة للشاشة:
    نزّل ملف LG الملف Farida-IPTV-LG.ipk، نسخة 1.1.0، حوالي 120 كيلو.
  2. نزّل برنامج webOS Dev Manager من صفحة الإصدارات بتاعته وثبّته. ده برنامج مجاني مفتوح المصدر لتثبيت التطبيقات على شاشات LG. ويندوز: الملف اللي آخره x64.msi. ماك: الملف اللي آخره .dmg
  3. افتح Dev Manager، واختار Developer Mode، وكمّل لحد ما توصل لـ Setup Device.
  4. املا بيانات الشاشة زي الجدول ده، واحفظ. البرنامج هيتوصّل بالشاشة.
  5. افتح Apps، وبعدين Installed، ودوس Install واختار ملف Farida-IPTV-LG.ipk.
  6. لما التثبيت يخلص، هتلاقي فريدة في قايمة التطبيقات على الشاشة. افتحها وسجّل اشتراكك بالريموت.
Device Name
LG TV أي اسم
Address
192.168.1.20 IP الشاشة
Port
9922 زي ما هو
Username
prisoner زي ما هو
Authentication
Dev Mode
Passphrase
A1B2C3 من الشاشة

ده مثال. اكتب IP و Passphrase الشاشة بتاعتك. ومتكتبش باسورد حساب LG هنا.

جدّد مرة كل شهر

وضع المطوّر بيفضل شغّال 1000 ساعة، يعني حوالي 41 يوم. قبل ما يخلص، افتح Developer Mode على الشاشة ودوس EXTEND، والعدّاد يرجع من الأول.

لو المدة خلصت

LG بتشيل التطبيقات اللي اتثبّتت بالطريقة دي. ادخل Developer Mode تاني وشغّل Dev Mode Status، وثبّت الملف من Dev Manager تاني. Plus بيرجع لوحده، لأنه مربوط بالشاشة نفسها.

بعد أي ريستارت للشاشة

Key Server بيقفل لوحده. ده عادي، وفريدة بتفضل شغّالة. محتاج تشغّله بس لما تثبّت نسخة جديدة.

لو حاجة مامشيتش

Dev Manager مش بيوصل للشاشة

اتأكد إن الكمبيوتر والشاشة على نفس الواي فاي، وإن Key Server شغّال في Developer Mode، وإن الـ IP صح. الـ IP ممكن يتغيّر لو الراوتر عمل ريستارت، فبُصّ عليه تاني في إعدادات الشبكة.

بيقولي إن الـ Passphrase غلط

اكتبه زي ما هو بالظبط، الحروف الكبيرة كبيرة والصغيرة صغيرة. لو لسه مش راضي، اقفل Key Server وشغّله تاني وجرّب.

Developer Mode مش لاقيه في المتجر

اكتب Developer Mode بالإنجليزي في البحث. التطبيق موجود على شاشات LG بنظام webOS، ولو مش ظاهر عندك ابعتلنا موديل الشاشة على واتساب.

عندي شاشتين LG

كل حساب مطوّرين بيشتغل على شاشة واحدة بس في نفس الوقت. لو دخلت بيه على شاشة تانية، الأولى بتطلع منه. اعمل حساب تاني للشاشة التانية.

ده بيغيّر حاجة في الشاشة؟

لأ. Developer Mode تطبيق LG الرسمي للمطوّرين، ومش بيغيّر نظام الشاشة. لو عايز ترجع زي ما كنت، امسح فريدة واقفل Dev Mode Status.

هفضل أعمل كده على طول؟

لحد ما فريدة تنزل في متجر LG، وهي في المراجعة دلوقتي. بعدها تثبّتها من المتجر عادي ومش هتحتاج تجدّد.

اتلخبطت في خطوة؟ ابعتلنا ونمشي فيها معاك.

واتساب 01503587788